Sic te diva potens Cypri,
         sic fratres Helenae, ǁ lucida sidera,
       ventorumque regat pater
         obstrictis aliis ǁ praeter Iapyga,
 

  5   navis, quae tibi creditum
         debes Vergilium; ǁ finibus Atticis
       reddas incolumem precor
         et serves animae ǁ dimidium meae.
      

       Illi robur et aes triplex
10     circa pectus erat, ǁ qui fragilem truci
       commisit pelago ratem
         primus, nec timuit ǁ praecipit(em) Africum
        

       decertant(em) Aquilonibus
         nec tristis Hyadas ǁ nec rabiem Noti,
15   quo non arbiter Hadriae
         maior, tollere seu ǁ ponere volt freta.
     

       Quem mortis timuit gradum
         qui siccis oculis ǁ monstra natantia,
       qui vidit mare turbid(um) et
20     infamis scopulos ǁ Acroceraunia?
        

       Nequicquam deus abscidit
         prudens Oceano ǁ dissociabili
       terras, si tamen impiae
         non tangenda rates ǁ transiliunt vada.
 

25   Audax omnia perpeti
         gens humana ruit ǁ per vetitum nefas;
      audax Iapeti genus
         ignem fraude mala ǁ gentibus intulit;
     

      post ign(em) aetheria domo
30     subductum macies ǁ et nova febrium
      terris incubuit cohors
        semotique prius ǁ tarda necessitas
        

      leti corripuit gradum.
         Expertus vacuum ǁ Daedalus aëra
35  pennis non homini datis;
         perrupit Acheront(a) ǁ Herculeus labor.
        

      Nil mortalibus ardui (e)st;
         cael(um) ipsum petimus ǁ stultitia neque
      per nostrum patimur scelus
40    iracunda Iovem ǁ ponere fulmina.

                                                                                     A