Horaz, Carmen 2, 11

Hinweg mit den Sorgen 

Alkäische Strophe

Rotgedruckte Vokale werden betont - eingeklammerte Silben nicht gelesen !

 1    Quid bellicosus ǁ Cantaber et Scythes,

       Hirpine Quincti, ǁ cogitet Hadria

            divisus obiecto, remittas

                 quaerere nec trepides in usum
 

 5     poscentis aevi ǁ pauca!  fugit retro

       levis iuventus ǁ et decor – aridá

             pellente lascivos amores

                  canitie facilemque somnum.
 

        Non semper idem ǁ floribus est honor

10     vernis nequ(e) uno ǁ luna rubens nitet 

             voltu: quid aeternis minorem

                  consiliis animum fatigas

         Cur non sub alta ǁ vel platano vel hac

         pinu iacentes ǁ sic temer(e) et rosá

15          canos odorati capillos,

                  dum licet, Assyriaque nardo

        potamus uncti? ǁ dissipat Euhius

        curas edaces. ǁ Quis puer ocius

              restinguet ardentis Falerni

20               pocula praetereunte lympha?

        Quis devium scort(um) ǁ eliciet domo

        Lyden? Eburna ǁ dic, age, cum lyra

              maturet, in comptum Lacaenae

                 more comas religata nodum.

  Home        Verslehre